Kosova shpall Ditë Zie në nder të akademikut Rexhep Qosja

Nesër ( 24 prill) Kosova e ka shpallur ditë zie kombëtare në nder të veprës dhe jetës së akademik Rexhep Qosja. ”Në nderim të jetës dhe veprës së akademik Rexhep Qosja, dita e nesërme, e premte, 24 prill 2026, shpallet Ditë zie shtetërore në Republikën e Kosovës”, ka deklaruar ushtruesja e detyrës së Presidentes së Kosovës, Albulena Haxhiu. Qosja u nda nga jeta këtë të enjte, dhe u përcoll drejt banesës së fundit në një ceremoni ku morën pjesë vetëm anëtarë të rrethit të ngushtë të familjes.