Lajm i mirë nga Kosova, 95 persona të izoluar në konvikte rezultojnë negativë me Covid-19

Një lajm i mirë vjen ditën e sotme nga Kosova. 95 persona të cilët po qëndronin të izoluar në konviktet e studentëve në Prishtinë kanë rezultuar negativë nga koronavirusi.

Testimi i këtij grupi u bë dje dhe ky është grupi i tretë nga Qendra e Studentëve.

Lajmi është dhënë nga mjeku infeksionist në Qendrën Klinike Universitare të Kosovës, Izet Sadiku.

Ai shkruan:

Karantina- COVID 19. Sot është testuar edhe grupi i tretë i personave të vendosur në Karantinë në Qendrën e Studentëve. Janë testuar 95 persona për COVID19 dhe të gjithë janë negativë!Nesër (e diel) ky grup lirohet në shtëpi!#rrinshpi.

Kujtojmë se numri i të infektuarve me Covid-19 në Kosovë ka arritur në 140. Deri më tani 23 janë shëruar, ndërsa një person ka ndërruar jetë.