Ministri serb i Mbrojtjes, Milos Vuçeviç: Populli serb e do ushtrinë tonë në Kosovë!

Nga Serbia vjen edhe një deklaratë luftënxitëse. Ministri serb i Mbrojtjes, Milos Vuçeviç ka deklaruar pas takimeve të djeshme mes Kurtit dhe Vuçiç me liderët evropianë, se bisedimet ishin të vështira për palën serbe.

Ministri serb vlerësoi se 90% e qytetarëve do të donin të dëgjonin se Serbia refuzon gjithçka nga dialogu dhe të largohet prej tij përfundimisht.

“Të gjithë do të ishin të lumtur ta shihnin ushtrinë tonë në Kosovë, por ne duhet të dimë, duhet të kujtojmë, se jemi tërhequr nga Kosova në vitin 1999 në përputhje me Marrëveshjen e Kumanovës dhe Rezolutën 1244”, tha ai.