Nis në Bruksel takimi trepalësh mes zyrtarëve të BE-së dhe Kurtit e Vuçiçit

Nis takimi i përbashkët trepalësh në kuadër të dialogut Kosovë–Serbi.

Kryeministri i Kosovës, Albin Kurti dhe presidenti i Serbisë, Aleksandar Vuçiç janë pritur në takim nga Përfaqësuesi i Lartë i BE-së për politikë të jashtme, Josep Borrell së bashku me emisarin për dialogun Miroslav Lajçak.

Para takimit trepalësh, Borrell ka zhvilluar takime të ndara me kryeministrin Kurti dhe presidentin Vuçiç.

Takimi mes Borrellit dhe Kurtit nisi në orën 08:00 tashmë ka përfunduar dhe më pas kryediplomati evropia takoi Vuçiç.