Një 30-vjeçar ka rënë sot aksidentalisht nga teleferiku në Brezovicë, ndërsa gjendja e tij shëndetësore është jashtë rrezikut për jetë.
Lajmin e ka konfirmuar për Telegrafin, zëdhënësi i Policisë së Kosovës për Rajonin e Ferizajt, Agim Gashi.
“Para një ore kemi pranuar informata se ka rënë një qytetar aksidentalisht nga teleferiku në Brezovicë, qytetarët e kanë dërguar në ambulantën në Shtime e më pas është dërguar në spitalin e Ferizajt. Sipas mjekëve gjendja e tij është jashtë rrezikut për jetë. Bëhet fjalë për një 30-vjeçar”, tha Gashi për Telegrafin.
https://youtu.be/GGJbGS41LM0