Presidenti Meta zbardh takimin me Hashim Thaçin: Dialogu mes Kosovës dhe Serbisë duhet të vazhdojë

Presidenti i Republikës, Ilir Meta, ditën e sotme ka zhvilluar një takim me homologun e Kosovës, Hashim Thaçi.

Presidenti Ilir Meta thotë se bashkëjetesa midis shqiptarëve e serbëve është në interes të paqes, stabilitetit dhe perspektivës europiane të rajonit tonë. “Dialogu mes Kosovës dhe Serbisë duhet të vazhdojë”,- ka thënë ndër të tjera Meta.

Postimi i plotë i Presidentit Meta lidhur me takimin me kreun e shtetit të Kosovës,  Hashim Thaçi

Kënaqësi të takohesha sot me Presidentin e Republikës së Kosovës, z.Hashim Thaçi.
Shprehëm gatishmërinë për vazhdimin e bashkëpunimit mes dy vendeve tona, me qëllim tejkalimin me sukses të pasojave social-ekonomike të pandemisë COVID-19, kthimin në normalitet të jetës së qytetarëve, dhe stabilizimin e plotë të lëvizjes së lirë të njerëzve dhe mallrave, veçanërisht me afrimin e sezonit veror turistik.
Është me rëndësi vazhdimi i dialogut Kosovë-Serbi për normalizimin përfundimtar të marrëdhënieve mes këtyre dy shteteve, që do të garantojë jo vetëm njohje reciproke por edhe të ardhmen e tyre në BE.
Bashkëjetesa midis shqiptarëve e serbëve është në interes të paqes, stabilitetit dhe perspektivës europiane të rajonit tonë. ?????.