Presidentja e KE-së, Ursula von der Leyen, pritet në takim nga kryeministri Albin Kurti

Pas takimit me presidenten Vjosa Osmani, udhëheqësja e Komisionit Evropian, Ursula von der Leyen është pritur në takim nga kryeministri i Kosovës, Albin Kurti.

Pas këtij takimi, dy udhëheqësit do vizitojnë një kopsht në Prishtinë, ku do të mbajnë konferencë të përbashkët për medie.

Presidentja e Komisionit Evropian, Ursula von der Leyen është duke qëndruar në një vizitë një ditore në Kosovë, në kuadër të turit të saj në Ballkanin Perëndimor.

Ditën e djeshme von der Leyen ishte në vizitë zyrtare në Shqipëri, vizitë kjo që shënoi edhe fillimin e turit të saj në Ballkanin Perëndimor.