Senatori John McCain sot në Kosovë, nesër në Tiranë – Publikohet axhenda e takimeve

Kosova Politikë E Premte, 21 Maj 2021 00:11

Senatori amerikan, John McCain mbërrin sot në Prishtinë ku do të mbajë një fjalim në seancën solemne të Kuvendit të Republikës së Kosovës, ndërkohë që zhvillon edhe takime me autoritetet e larta të shtetit. E vetmja pikë e axhendës së seancës solemne është: Adresimi i Senatorit amerikan, John McCain, deputetëve të Kuvendit të Republikës së Kosovës. Seanca solemne e Kuvendit të Kosovës nis në orën 14:30.

Ndërsa, sipas axhendave të njoftuara zyrtarisht deri tani, kryetari i Kuvendit të Kosovës Kadri Veseli pret në takim senatorin amerikan John McCain në orën 13:45, ndërsa kryeministri Isa Mustafa në orën 15:10. Sipas mediave, presidenti i Kosovës, Hashim Thaçi të premten do t’i ndajë senatorit McCain Medaljen Urdhri i Lirisë, për kontributin e tij në lirinë dhe pavarësinë e Kosovës dhe për rolin e tij në thellimin e marrëdhënieve ndërmjet Kosovës dhe Shteteve të Bashkuara të Amerikës, si aleati i përjetshëm i Kosovës.

Ambasadori i Shteteve të Bashkuara të Amerikës në Kosovë, Greg Delawie, ka përshëndetur vizitën e John McCain Senatorit Amerikan njëherësh Drejtuesi i Komitetit në Senat për Forcat e Armatosura, duke e vlerësuar si një mik të madh të Kosovës. “Duke i dëshiruar mirëseardhje mikut të madh të Kosovës nesër në Prishtinë”, ka shkruar Delawie në Twiter.

Vizita në Tiranë

Burime te sigurta bëjnë të situr se McCein vjen në Tiranë në kuadër të një turi në Ballkan dhe do të takohet me presidentin Bujar Nishani, , kreun e opozitës Lulzim Basha, kryeministrin Edi Rama, kryetarin e parlamentit Ilir Meta, Ministrin e Jashtëm Ditmir Bushati dhe Ministren e Mbrojtjes Mimi Kodheli.Vizita e zyrtarit amerikan në Tiranë vjen në një kohë krize politike për shkak të protestës dhe bojkotit të ppozitës.
Pritet që gjatë qëndrimit në Shqipëri, Xhon McCein t’u drejtohet me një mesazh drejtuesve të institucioneve dhe partive politike.
Turi i tij ballkanik ka në qendër bashkëpunimin për çështjet e sigurisë dhe luftën kundër terrorizmit e ekstremizmit ndërkohë qe ne Shqiperi vemenbdje pritet te mare edhe protesta e opozitës .
Për këto tema, kreu i Komisionit të Senatit për Shërbimet e Armatosura ka biseduar të hënën në Beograd me Presidentin Aleksandër Vuçiç.