S’ka president, Kosova drejt zgjedhjeve?

Lidhja Demokratike e Kosovës refuzoi dy oferta të LVV-së në bisedimet për zgjedhjen e presidentit. Partisë së Lumir Abdixhut iu ofrua posti i zv/kryeministrit, Ministria e Punëve të Jashtme dhe tri ministri të tjera. Oferta e dyta, ishte posti i kryeparlamentarit. Në këmbim, deputetët e LDK-së duhet të merrnin pjesë në procesin e votimit për zgjedhjen e Glauk Konjufcës si president i ri i Kosovës.

Pas takimit me Kurtin, Abdixhiku deklaroi nuk ishte i interesuar të bisedonte për bashkëqeverisje pa u zgjidhur çështja e presidentit. Sipas tij, oferta për kryeparlamentarin nuk çon peshë meqë Vetëvendosje ka shumicën në Kuvend. Kryeministri Kurti shprehu keqardhjen për dështimin e bisedimeve me LDK-në duke thënë se nuk propozuan asnjë emër dhe nuk patën kërkesa në takim.

Kurti tha se i ka kërkaur takim kryetarit të PDK-së, Bedri Hamza, por shtoi se oferta për bashkëqeevrisje nuk vlen për këtë parti. Në rast se Kuvendi dështon të zgjedh presidentin deri të martën e javës tjetër, datat e mundshme për zgjedhjet e parakohshme parlamentare janë 31 maj dhe 7 qershor.