Ish-Kryetari i Kuvendit të Kosovës Kadri Veseli është liruar për disa ditë nga Gjykata e Hagës dhe ndodhet në Mitrovicë.
Ai është liruar përkohësisht për të vizituar babanë e tij i cili është në gjendje të rëndë shëndetësore në spital.
Veseli po ruhet nga forca Policore dhe të Eulex. Mediat e Kosovës kanë publikuar pamje që tregojnë momentin kur Veseli ecën i shoqëruar nga forca të shumta sigurie.
Edhe zëdhënësja e e Dhomave të Specializuara, Angela Griep e ka konfirmuar këtë vizitë të Veselit.
Ajo i tha Express se gjithçka është bërë në kuadër të humanitetit, por Veseli do të kthehet sërish në paraburgim.
Para dy ditësh Gjykata Speciale ka refuzuar kërkesën e tij për lirim të parakohshëm.
Ai akuzohet nga gjykata e Hagës për krime lufte si ish-lider i UÇK-së dhe ndodhet në paraburgim, që nga nëntori i vitit të shkuar.