28-vjeçari nga mësues fiskulture në Shqipëri, në prodhues kanabisi në Angli

Historitë me shqiptarë në Angli, janë kryefjala e mediave në Londër. Nga tregimet me gomone, te rrugët dhe metodat që zgjedhin shqiptarët për të ikur në Britani, publikohen çdo ditë nga mediat.

Një mësues shqiptar i edukimit fizik i cili shkoi në Angli me kamion, është kapur me më shumë se 500 bimë kanabisi që kapnin vlerën prej 275,000 paundë. 28-vjeçari u përpoq të arratisej me shpejtësi nga një dritare, por u pikas nga policia.

Hetuesi Stephen Welch, thotë se policia ekzekutoi një urdhër droge në ambientet në Popple Street, Hull, një ndërtesë e madhe industriale dykatëshe me rreth 12 dhoma.

”Ndërsa policia u përpoq të hynte, i pandehuri doli nga një dritare e katit të sipërm në një çati të sheshtë në një përpjekje për të shpëtuar. Ai u shfaq i shqetësuar dhe mori rrugën për në çatinë e një ndërtese ngjitur. I riu bëri të paktën një telefonatë nga telefoni i tij celular dhe përfundimisht u dorëzua në polici rreth 55 minuta më vonë. Me hyrjen në lokal, policia gjeti më shumë se 500 bimë”.