Aksident i rëndë në aksin Lezhë-Shkodër. Plagosen pesë persona, tre prej tyre në gjendje të rëndë

Një aksident i rëndë ka ndodhur në aksin rrugor Lezhë-Shkodër. Në aksident është përfshirë një fuoristrada “Mitsubish” dhe një “Audi a6”.

Aksidenti ndodhi në aksin Lezhë-Shkodër në afërsi të Pirajve. Mësohet se “Audi” me targa të Kosovës ka kryer një parakalim të gabuar duke u përplasur me makinën tjetër, që vinte në drejtim të Lezhës, për pasojë 5 persona janë plagosur, tre në gjendje të rëndë. Trafiku është bllokuar në të dy anët dhe lëvizja është devijuar në aksin e vjetër, Kallmet- Dajç.