Atentat në Lushnjë, plagoset emri i njohur për policinë

Të shtëna me armë zjarri jaë regjistruar paradien e sotme në Lushnjë.

Mësohet se tre persona kanë qëlluar drejt një automjeti në lëvizje.

Pak minuta më pas, është gjendur një makinë e djegur në fshatin Lifaj në Lushnje, që dyshohet se u përket autorëve të ngjarjes.

Njoftimi i policisë: 

Rreth orës 10:40, në afërsi të stadiumit Lushnjë, dyshohet se është plagosur në këmbë me armë zjarri shtetasi J. S., 45 vjeç, i cili ndodhet jashtë rrezikut për jetën.

Shërbimet e Policisë kanë ngritur pika kontrolli në hyrje-dalje të qytetit dhe po punojnë për identifikimin dhe kapjen e autorëve.

Në afërsi të fshatit Lifaj, është konstatuar një automjet duke u djegur, i cili dyshohet se u përket autorëve.

Grupi hetimor në drejtimin e Prokurorisë po punon për zbardhjen e plotë të rrethanave të ngjarjes.