Bashkia e Tiranës i vjen në ndihmë të moshuarit në situatë rruge, sistemohet në qendrën sociale

Fotoja e të moshuarit nga Fieri, në situatë rruge, në Tiranë, në rrugën Mine Peza, u bë virale në rrjete sociale.

Shërbimi Social i Bashkisë së Tiranës dhe Policia Bashkiake lokalizuan të moshuarin dhe e strehuan më pas në qendrën sociale “Strehëza”.

I moshuari u dërgua gjithashtu për kontrolle shëndetësore.

Bashkia e Tiranës bën thirrje për këdo që shikon të tilla raste, të kontaktojë për asistencë.

“Na kontaktoni për çdo rast nevoje, sepse puna bëhet më mirë kur bashkëpunojmë me njëri-tjetrin”, shkruhet në njoftim.