Bejko komenton deklaratën e Yuri Kim: Drejtësia po godet krimin në nivele të larta

Anëtari i kryesisë së PD-së, Roland Bejko komenton deklaratat e ambasadores amerikane, Yuri Kim, teksa u shpreh se brenda gjirit të Foltores nuk ka respekt për fjalën e saj.

“Brenda gjirit të Foltores jo vetëm që nuk ka respekt për fjalën e saj por ka një ndjenjë marrie deri në urrejtje ndaj figurës së saj. Reagimi i Berishës është i vjetër, përsërit të njëjtat ide. Ka identifikuar armikun në SHBA”, u shpreh Bejko duke komentuar më pas deklaratën e saj për PD-në.

”Zonja ambasadore mbrëmë me thirrjen e vet, u kujtoi demokratëve që ta lënë pas të shkuarën që përfaqësohet nga Berisha dhe ndjekësit e tij. Janë ata që kanë një përgjegjësi të humbjens së PD me një rezultat të thellë në 2013. Perceptimi i votuesve ishte sepse ka pasur korrupsion të lartë në qeverisjen e Berishës. Nga ana tjetër ishte i njëjti stablishment që e çoi tek Basha dhe kur i duhej Berishës e mori përsëri me vete. Në këtë sens Kim u thotë demokratëve që mos vazhdoni të hani bar. PD dhe opozita është në procesin e metaforës që tha ambasadorja dhe është refuzuar nga Berisha”, tha Bejko.