Denoncimi nga Vasili: Rama i dha dokumente të sajuara McGronigal për të goditur kundërshtarët

Nënkryetari i Partisë së Lirisë, Petrit Vasili thotë se kryeministri Edi Rama i ka dhënë dokumente të sajuara ish-zyrtarit të lartë të FBI-së, Charles McGronigal, i cili është arrestuar nga autoritetet amerikane. Sipas Vasilit, këto dokumente janë dhënë për t’i dërguar në DASH dhe për të goditur kundërshtarët politikë. Po ashtu Vasili i bën thirrje drejtësisë të bëjë detyrën.

“Rama është shumë rëndë! Ky Rama gënjente sheshit në shtator të 2022, që Shefi i antiterrorit Charles McGronigal s’ka asnjë lidhje as me këtë vete as me qeverinë. Fakti që ka dalë në të gjitha mediat e botës është që i vetmi Kryeministër që ka lidhje kaq të shumta me Gronigal.

Që ka ngrënë darka me të, është takuar kaq herë, i kanë dhënë plot dokumente të sajuara për ti çuar në DASH dhe për të goditur kundërshtarët politike.

Kryeministrit Edi Rama i del edhe emri e mbiemri megjithë bashkëpunëtorët e tij në aktet e Grand Jury! Drejtësi bëni detyrën se do përfundoni më keq se Rama”, shkruan Vasili.