“Dumani po fshin njollën e zezë të drejtësisë”, xhaxhai i Aleks Nikës: Thirrja e Bashës në SPAK na jep shpresë

Mark Nika, xhaxhai i Aleks Nikës, protestuesit të vrarë në bulevardin Dëshmorët e Kombit më 21 janar 2011, thotë se thirrja e Bashës në SPAK, është shpresë për ta.

”Ne përshëndesin SPAK veçanërisht kryetarin dhe prokurorin e çështjes që kanë bërë një punë të lavdërueshme në hetimin e çështjes. SPAK i vuri zemër drejtësisë. Sot thirrja e Bashës na jep shpresë se hetimi do të shkojë deri në fund. Se çfarë ka deklaruar nuk e dimë, por jam i bindur se ai ka dijeni të plotë si është organizuar ky krim shtetëror. Shpjegimet e tij do të kontribuojnë në hetimin e çështjes”.

Duke shprehur vlerësime për kryeprokurorin Altin Dumani, të cilin konfirmoi se a ka takuar personalisht, Nika theksoi se ai po fshin njollën e zezë të drejtësisë shqiptare.

“Dumani bashkë me ekipin e shoh të jetë në zemër të drejtësisë dhe po i fshin njollën e zezë drejtësisë shqiptare. Ne nuk humbim shpresën dhe besimin e kemi te SPAK e drejtësia e re dhe mendoj që shumë shpejt prokuroria do ta përfundojë çështjen dhe do konkludojë për fajësinë e atyre që kanë përgjegjësi për vrasjen e Aleksit dhe shokëve të tij. Kërkojmë që çështja të hetohet sa më shpejt”.