Flet vëllai i biznesmenit shqiptar që u vra në Greqi: Vrasësi i kishte borxh 100 mijë euro

Biznesmeni Xhani Topallit u ekzekutua në Faliraki të Rodosit të Greqisë. Vëllai i tij ka folur për mediat greke, ku është shprehur se e dinte që diçka e keqe i kishte ndodhur që në momentin kur u zhduk të shtunën e 28 gushtit. Po ashtu ai pohon se ka qenë në dijeni të borxhit prej 100 mijë eurosh që autori i dyshuar i krimit i kishte të vëllait.

“Të gjithë jemi në zi për humbjen e Xhanit. Fatkeqësisht, që në momentin e parë që i humbëm gjurmët , kuptuam se diçka e keqe i kishte ndodhur. Vëllai im ishte një njeri familjar. Të gjithë këtu në Falirak e njihnin dhe e donin. Dija gjithçka për borxhin që i kishte hotelieri, ra shumë në kontradita dhe e besuam që i kishte bërë diçka të keqe”, tha Kristos Topalli.

Për paratë që i detyrohej Topalit, hoteleri kishte firmosur edhe një dokument njohjeje borxhi para avokatit Minas Tserkis.