Një ngjarje e rëndë është shënuar në orët e para të mëngjesit në fshatin Dom të Klosit, ku 5 persona të armatosur kanë dhunuar nënë e bir dhe po ashtu kanë grabitur familjen.
Sipas burimeve policore është grabitur familja e Përparim Lleshit. Grabitësit kanë shqyer dyert e shtëpisë dhe kanë rrahur me qytat e armëve Përparim Lleshin dhe nënën e tij, ku më pastaj i kanë lidhur edhe me litar.
Personat e paidentifikuar kanë ushtruar kontroll banesës dhe mendohet të kenë grabitur 8 mijë euro dhe 1 milion lekë. Drejtori i policisë Dibër, si edhe efektivë policie kanë mbërritur në vendin e ngjarjes dhe po hetojnë.
