Mandarinat me pesticide? Fermerët e Xarës kryejnë analizat: Ne jemi të pastër

Pas specave, domateve dhe luleshtrydheve, tani probleme kanë shfaqur mandarinat. Disa ditë më parë në supermarketet e Tiranës janë tregtuar mandarina të spërkatura me insekticidin perifos metil.

Fermerët e Xarës thonë se po dëmtohen ekonomikisht në këtë fillim sezoni nga mungesa e transparencës institucionale.

Në mungesë të analizave nga AKU apo laboratorët e ministrisë së bujqësisë, fermerët kanë kryer vetë analizat e prodhimeve të tyre dhe deklarojnë me përgjegjësi se janë të pastër për tregtim.