Marrëdhëniet Rama-Vuçiç janë të zbehura? Ministrja Spiropali: Shqipëria partneri më i besuar në rajon

Ministrja e Europës dhe e Punëve të Jashtme, Elisa Spiropali thotë se Shqipëria është partneri më i besuar në rajon. E ftuar në ”Top Story”, Spiropali është pyetur për raportin që ka kryeministri Edi Rama me presidentin serb, Aleksandër Vuçiç.

Elisa Spiropali: Marrëdhëniet mes kryeministrave, nuk janë marrëdhënie që mund të kushtëzohen për politikat të brendshme apo të jashtme. Ne këta fqinjë kemi. Shqipëria është sot vendi dhe partneri më i besuar në rajonin tonë, i BE, NATO-s. Sot Shqipëria nuk është më arsye për destabilizim, por arsye e fortë për stabilizim. Nuk njihet më si vend që nuk dihet se çfarë marrëdhënie ka me fqinjët.

Grida Duma: Shqipëria ka pasur gjithmonë marrëdhënie shumë të mira me fqinjët me notën 10.

Elisa Spiropali: Shqipëria sot nuk ka më asnjë kompleks. Është partneri më i besueshëm dhe është në vijën e parë të anëtarësimit në BE.