Ngjarje e rëndë në Tiranë! Një person qëllon veten me armë zjarri brenda një poligoni

Një ngjarje e rëndë ka ndodhur pak më parë në Tiranë.

Mësohet se një person ka vrarë veten me armë zjarri brenda një poligoni pranë stadiumit “Air albania”.

Ende nuk janë të qarta rrethanat e ngjarjes por priten të zbardhen në vijim.

Njoftimi i Policisë

Rreth orës 13:30, brenda një poligoni në rrugën “Dervish Hima”, dyshohet se është vetëvrarë me armën e zjarrit me të cilën po kryente qitje, shtetasi B. H., 35 vjeç.

Në vendngjarje ndodhen shërbimet e Policisë, të cilat, në bashkëpunim me grupin hetimor, po punojnë për sqarimin e rrethanave dhe dokumentimin e plotë të rastit.