Përmbytjet, mungon përllogaritja e dëmeve. Kote: Pritet tërheqja e ujit

Ministria e Bujqësisë nuk ka bërë përllogaritjen e dëmeve të shkaktuara nga përmbytjet në zonën e nënshkodrës ku qindra hektarë tokë bujqësore vijojnë të jenë ende nën ujë. Zëvendësministri Dhimitër Kote, pranoi se dëmet me të shumta janë shkaktuar në kulturën e grurit dhe prodhimeve të blegtorisë dhe përllogaritjet do të bëhen pasi të ulet niveli i ujit.