Skandali i ish-zyrtarit të FBI, deputeti i PS-së: Ja e vërteta për ju që nuk e dini

Skandali me ish-zyrtarin e FBI-së, ka lëkundur themelet e politikës, por deputeti i PS-së, Petro Koçi tregon të vërtetën e tij. “Mc Gonigal ka qenë institucionalisht drejtues i një prej seksioneve më të rëndësishme të FBI-së dhe besoj është në nderin e çdo zyrtari të Republikës së Shqipërisë për të takuar nivele të tilla institucionale që i takojnë shtetit amerikan”,-tha në ”Euronews Albania”.

Sipas tij nuk është Rama ai që e ka emëruar dhe mbi të gjitha në kohën që janë bërë takimet, Mc Gonigal ka qenë një person pa pikëpyetje.

Po ashtu Koçi tha se nëse do të kishte persona të tjerë të përfshirë, drejtësia amerikane do të nxitonte për të ngarkuar penalisht këdo që do të duhej të mbante përgjegjësi.