Tronditet Maliqi, këtë mbrëmje vritet me thikë një person. Viktima dhe autori janë fqinj

Nesti Kusari është viktima e krimit që tronditi këtë mbrëmje Maliqin. Ai është dërguar me urgjencë në spital, por nuk ka mundur të mbijetojë për shkak të plagëve të marra.

Autori i këtij krimi është Velo Azizllari. Dyshohet që vrasja të këtë ndodhur për motive të dobëta. Viktima dhe autori janë fqinj.

Mësohet se mes tyre ka pasur konflikte të vjetra. Këtë mbrëmje ata janë konfliktuar sërish dhe sherri ka degraduar deri në përdorimin e thikës. Autori gjithashtu ka marrë plagë dhe ndodhet në spitalin e Korçës ku është arrestuar nga policia.