U grabit me dhunë te “Pushimi i Shoferit”, gjendet në Vlorë automjeti tip “Benz”

Është gjetur i braktisur në qytetin e Vlorës automjeti tip “Benz”, i cili u grabit me dhunë mbrëmjen e së dielës në vendin e quajtur “Pushimi i Shoferit”, në Lushnjë.

Autorët e grabitjes, e kanë braktisur automjetin në lagjen Pavarësia pranë zonës se Centrales, siç shihet dhe nga pamjet e mësipërme.

Automjeti është lënë në një rrugë dytësore brenda një blloku banimi, ku është gjetur nga uniformat blu.

Grupi hetimor dhe policia po vijojnë punën për identifikimin dhe kapjen e autorëve.