Vranë të dashurin e nënës për nder, Apeli i vë vulën dënimit final të vëllezërve

Këtë të martë, Gjykata e Apelit Tiranë la të pandryshuar vendimin e dhënë nga Shkalla e Parë për vëllezërit Sajmir e Arsil Shera, të akuzuar për “vrasje me paramendim” të shoferit të taksistë Abdulla Budlla, pas dyshimeve të një raporti intim mes tij e nënës së tyre.

Vendimi i Apelit la në fuqi dënimin me 14 vjet e 8 muaj burg për Sajmir Sherën dhe atë me 10 vjet burg ndaj vëllait të tij, Arsil Shera. Vrasja e 71-vjeçarit, Abdulla Budlla, ndodhi në gusht të vitit 2020 në zonën e Fushë-Prezës në aksin Vorë-Fushë-Krujë.

Taksisti u qëllua me breshëri kallashnikovi teksa ndodhej në mjetin e tij të ndaluar pranë kryqëzimit të Rinasit. Vëllezërit Shera ishin të dyshuarit e parë të Prokurorisë për shkak të një konflikti të mëhershëm mes tyre dhe taksistit.