Vrau kolegun brenda komisariatit, Gjykata e Lartë lë në fuqi dënimin me 30 vite burg për policin Ludjan Zaimi

Shkalla e tretë e gjyqësorit nuk pranoi rekursin e ish-efektivit të policisë, Ledjan Zaimi, i akuzuar për vrasjen e Caush Saliasit, ku kërkoi prishje të vendimit të dhënë nga Apeli në 25 janar 2024.
Ai u shpall fajtor për veprën penale të “vrasjes me paramendim e punonjësit të Policisë së Shtetit.

Zaimi vrau me armë zjarri kolegun e tij Caush Saliasi në 23 maj 2022 brenda ambienteve të komisariatit numër 3 në Tiranë pak para se dy oficerët e patrullës të përgjithshme të merrnin turnin.
Ngjarja ndodhi për shkak të bullizimit dhe konflikteve të vazhdueshme mes efektivëve në komisariatin numër 3.
Zaimi në shkallën e parë u dënua me 35 vite burg për veprën penale “vrasje e punonjësve të policisë së shtetit”, por Apeli e rikualifikoi në vrasje me paramendim duke ulur 5 vite dënimin.
Ish-efektivi nuk u pajtua me këtë vendim dhe iu drejtua me rekurs Gjykatës së Lartë.