Zbardhet plagosja e 37-vjeçarit në Vlorë, e fshehu armën në makinë

Të tjera detaje janë zbuluar nga ngjarja e ndodhur një ditë më parë në Vlorë ku u vetëplagos 37-vjeçari S. Mehmetaj.

Burime brenda policisë së Vlorës bëjnë me dije se arma e zjarrit ka qenë pa leje, ndaj për këtë arsye policia e ka arrestuar 37-vjeçarin për armëmbajtje pa leje.

“Specialistët për Hetimin e Krimeve në Komisariatin e Policisë Vlorë arrestuan në flagrancë, për veprën penale “Mbajtja pa leje dhe prodhimi i armëve, armëve shpërthyese dhe i municionit”, shtetasin S. M., 37 vjeç, banues në Selenicë, pasi ditën e djeshme, në ambientet e jashtme të një lokali në Vlorë, dyshohet se është vetëplagosur në kofshën e majtë, nga qitja aksidentale e një arme zjarri tip pistoletë, të cilën e mbante pa leje. Arma me 16 fishekë u sekuestrua në cilësinë e provës materiale. Aktualisht, ky shtetas ndodhet i shtruar në Spitalin Rajonal Vlorë, jashtë rrezikut për jetën”, informon policia.