10 vjet më parë qeverisja PD-LSI hoqi vizat për shqiptarët

Shqiptarët para 10 vitëve rrinin në radhë për viza.  Fiks 10 vite më parë, shqiptarët e parë udhëtuan për herë të parë pa viza drejt Brukselit. 50 të rinj dhe të reja bashkë me Ministrin e Brendshëm të asaj kohe Lulzim Basha, udhëtuan pa viza duke hyrë në histori.

Ishte qeveria PD-LSI e cila solli heqjen e vizave për shqiptarët.

Vetëm me pasaporta e tyre biometrike në duar ata bënë check-in në aeroportin e Rinasit pa patur nevojë për asnjë lloj vize dhe me një avion të linjës Tiranë-Bruksel udhëtuan drejt kryeqendrës së BE-së. Pas një udhëtimi prej gati 2 orësh, avioni zbriti në aeroportin e Brukselit. Ajo ditë do të mbetet e paharrueshme për 50 të rinj shqiptarë dhe Lulzim Bashën që i printe për të prekur vetë nga afër magjinë e lëvizjes së lirë.

50 të rinjtë shqiptarë vizituan edhe ambientet e Komisionit Europian. Pas Brukselit, 50 të rinjtë dhe ish ministri i Brendshëm Lulzim Basha udhëtuan edhe drejt Romës, për të prekur akoma më shumë magjinë e lirisë në një vend fqinj që për shkak të vizave për 20 vitet e fundit kishte qenë kaq afër dhe larg.

Ndërsa tani pas 10 vitëve qeveria Rama akoma nuk po hap negociatat me BE.