106-vjetori i Pavarësisë, Meta dhe Rama në Vlorë
106 vite më parë, më 28 nëntor 1912 u shpall Pavarësia e Shqipërisë në Vlorë. Ismail Qemali, bashkë me patriotë të tjerë dhe atdhedashës zgjodhën këtë datë për të ngritur flamurin dhe për të shpallur Pavarësinë e Shqipërisë.
Në qytetin e Vlorës është zhvilluar një ceremoni e veçantë për ngritjen e flamurit kombëtar. Në këtë ceremoni morën pjesë Presidenti i Republikës Ilir Meta, kryeministri Edi Rama, kreu i Kuvendit Gramoz Ruci si dhe personalitete të tjera të politikës.
Presidenti Meta dhe kryeministri Rama zhvilluan homazhe dhe vendosen kurora me lule në ”Monumentin e Pavarësisë”. Pasi uroi shqiptarët me një poezi të recituar nga dy nxënës shqiptarë të shkollës 9-vjeçare në Dacaj të Rozhajës, Meta u pritur nga truproja e nderit në Vlorë dhe vendosi kurorë me lule tek vendi ku prehet Ismail Qemali.
“Gëzuar Ditën e Flamurit Kombëtar të gjithë shqiptarëve kudo ndodhen. Emocion i veçantë të merrja pjesë sot në Vlorë, “kryeqytetin” e Festës së Pavarësisë, në ceremoninë shtetërore për nder të simbolit më përbashkues të shqiptarëve. Përkulem me respekt para veprës së përjetshme të themeluesit të shtetit shqiptar, Ismail Qemali”, – u shpreh Presidenti Meta për gazetarët.
Nga ana tjetër opozita nuk ka udhëtuar në qytetin e Pavarësisë por ka festuar në Tiranë. Kryetari i PD, Lulzim Basha, ish-kryeministri Sali Berisha, ish-presidenti Bujar Nishani si dhe deputetë e mbështetës të opozitës, kanë zhvilluar homazhe te “Varrezat e Dëshmorëve” në kryeqytet.
PD në Tiranë, Basha: Nderime, luftë e pandarë për liri-demokraci
Dita e Flamurit, Haradinaj: Sot, jemi një me zemër
Për 106 vjetorin e Pavarësisë së Shqipërisë, një mesazh e ka përcjellë edhe kryeministri i Kosovës, Ramush Haradinaj. Në një postim në facebook, Haradinaj thotë se sot shqiptarët të gjithë me zemër janë një. ”Duke vlerësuar sakrificën ndër breza dhe nderuar të rënët në kohë e përpjekje të ndryshme për liri, pavarësi e dinjitet kombëtar, Haradinaj përkujton edhe ditëlindjen e heroit legjendar të UÇK-së, Adem Jashari”.
Postimi i plotë i Thaçit: “Të nderuar bashkëkombas,
Sot, jemi NJË në zemër, ashtu siç ishim e do të jemi gjithmonë. Dita e Flamurit, shënon rimëkëmbjen tonë, na kujton nepër shekuj se kush jemi dhe na mbanë bashkë si komb.
Në këtë ditë të veçantë, që koincidon me daljen në skenë të UÇK-së dhe ditëlindjen e Komandantit Legjendar Adem Jashari, kujtojmë sakrificën e shumë brezave dhe nderojmë veprën e të rënëve në kohë e përpjekje të ndryshme për liri, pavarësi e dinjitet kombëtar.
“28 Nëntori” i bekuar, është historia jonë e lavdishme dhe synimi ynë për të ardhmën e përbashkët në vlerën euro-atlantike. Urime festa e përjetësuar ndër shqiptarë!”.
Urimi i veçantë i Presidentit Ilir Meta për Ditën e Flamurit (VIDEO)
Ambasada e SHBA uron Pavarësinë
Ky poster përfaqëson një koleksion të disa prej gjërave tonë më të dashura të Shqipërisë dhe është mënyra jonë për të treguar vlerësimin tonë për këtë vend të mrekullueshëm. 🇦🇱🇺🇸 #AlbaniaIndependenceDay pic.twitter.com/3PkJ3UIoWq
— USEmbassyTirana (@USEmbassyTirana) November 28, 2018
