106 vjetori i Ushtrisë Shqiptare, Presidenti Meta mesazh për burrat dhe gratë me uniformë

Presidenti i vendit, Ilir Meta ka përcjellë sot urimet me rastin e 106-vjetorit të themelimit të Ushtrisë Shqiptare.

Përmes një postimi në rrjetin social Facebook, presidenti u ka përcjelle konsideratat më të larta dhe urimet më të ngrohta burrave dhe grave nën uniformë.

“Gjithe atyre qe kanë kontribuar apo vazhdojnë të shërbejnë me përkushtim dhe sakrifica shembullore, për mbrojtjen e vendit dhe sigurinë kombëtare”- shkruan Presidenti Meta.

Postimi i Presidentit Meta

Me rastin e 106-vjetorit të themelimit të Ushtrisë Shqiptare, dëshiroj të përcjell konsideratat më të larta dhe urimet më të ngrohta për burrat dhe gratë nën uniformë, të cilët kanë kontribuar apo vazhdojnë të shërbejnë me përkushtim dhe sakrifica shembullore, për mbrojtjen e vendit dhe sigurinë kombëtare.
Vlerësim maksimal për kontributet e spikatura gjatë operacioneve humanitare, por edhe paqeruajtëse!
Urime të veçanta dhe të përzemërta ju përcjell 210 ushtarakëve të cilët aktualisht, nën flamurin e NATO-s, kontribuojnë për lirinë, paqen, sigurinë dhe stabilitetin në Afganistan, Detin Egje, Letoni, në Mali, Bosnjë-Hercegovinë dhe Kosovë.
Zoti i bekoftë ushtarakët shqiptarë!
Lavdi të përjetshme dëshmorëve, të cilët dhanë jetën për Atdheun!??