Aleksandër Biberaj: Turp i madh, Presidenti Thaçi hyn ilegalisht në Shqipëri dhe pas një ore kthehet ilegalisht në Kosovë

Nga Aleksandër Biberaj-

Turp i madh, Presidenti Thaçi hyn ilegalisht në Shqipëri dhe pas një ore kthehet ilegalisht në Kosovë

Të dashur miq,
Siç është bërë tashmë e njohur nga Policia e Kosovë, mbrëmë rreth orës 18:00 Presidenti i Kosovës Hashim Thaci (edhe i operuar) ka hyrë ilegalisht në territorin shqiptar duke shkelur protokollin e shtetit, por edhe rregullat e qarkullimit në kushtet e pandemisë. Ai ka qendruar për rreth një orë në territorin shqiptar dhe është kthyer në Kosovë si shoqerues i pasagjerit ilegal në makinen e tij me xhama të zinj, ish-Presidentin Behxhet Pacolli duke u bërë bashkëpunëtorë dhe bashkëfajtorë në vepren penale të kalimit të paligjshem të kufirit nga ana e Behxhet Pacollit.
Imagjinoni të dashur miq se sa poshtë ka rënë autoriteti i drejtuesit të shtetit të Kosoves, i cili fut në mënyrë të paligjeshme/ilegalisht në Kosovë Behxhet Pacollin me qellim që të ai votojë qeverinë e jashtëligjeshme dhe anti-kushtetuese të Hashim Thacit.
Zoti e ruajtë Kosovën dhe popullin e Kosovës nga këta njerëz që s’pyesin për asnjë lloj kushtetute, ligji, rregulli etike apo morali!