Analizë CNN/ Angel Merkel rrezikon të jetë humbësja më e madhe e vitit 2017!

Nile Gardiner  CNN – 

Dikur ajo hyri në skenën e Europës si një kolose.

Kancelarja gjermane Angela Merkel ishte de fakto lidere e Europës,  ruajtëse e idealeve liberale të kontintetit, kampione e unitetit dhe bartëse e dominancës dhe pushtetit ekonomik të Gjermanisë.

Akti barbar terrorist i kësaj jave në rrugët e Berlinit shërbeu si një kujtesë për limitet e pushtetit të Merkelit, i rrezikuar nga hapja e kufijve për krizën e refugjatëve  dhe dështimi i jashtëzakonshëm I autoriteteve federale përballë rritjes së rrezikut islamik.

I dyshuari kryesor i sulmit brutal në tregun e Krishtlindjeve në qendër të Berlinit ishte një tunizian azil kërkues, Anis Amri, i cili më herët kishte qenë subjekt i një investigimi gjerman për terror, por që u lëshua në vend që të deportohej edhe pse ishte në lidhje me radikalët islamikë duke përfshirë edhe një rrjet rekrutimi  për ISIS që vepronte në Gjermani, sikurse kanë bërë më dije zyrtarët gjermanë për CNN.

Liberalizimi naiv i Merkel?

Akti mizor ka hedhur dritë mbi vendimin kontradiktor të Merkel për të mirëpritur gati 1 milionë emigrantë në Gjermani që nga viti 2105, po aq sa edhe mbi paaftësinë e politikave të qeverisë për deportimin dhe dështimin ndaj akteve të militantëve islamikë.

Popullariteti i Merkelit kishte rënë që përpara këtyre sulmeve, me një shkallë prej 45% të matur në Shtator.

Duket se ky popullaritet do të zbresë edhe më shumë në javët në vijim teksa dhuna publike shënon rritje dhe pakënaqësi në radhët e Unionit Kristian Demokrat të Merkelit dhe partnerët e Unionit Kristian Social.

Merkel do të përfaqësojë partinë e saj në zgjedhjet federale të Gjermanisë vjeshtën e ardhshme, por nëse do të kthehet në zyrë për të katërtën herë, imazhi i saj do të jetë zvogëluar.

Sulmi në Berlin është duke dërguar valë shokuese nëpër Europën e nervozuar dhe do të intensifikojë kriticizmin nga liderët e tjerë të Europës, veçanërisht nga ata të Europës lindore dhe qendrore, të cilën politikat e Merkelit për emigrimin e kanë lënë në një pozitë më vulnerabël. Merkel ka treguar një humanitarizëm liberal naiv, përballë sigurisë kombëtare të vendit të saj.

Qëndrimi i Merkel përballë krizës së refugjatëve u kundërshtua fort nga vendet e lindjes, mes të cilave edhe Polonia e Hungaria. Fuqia gjermane në Bashkimin Europian dikur ka qenë e adhurueshme, sot është e sfiduar dhe e refuzuar.

Ndryshe nga homologia e saj britanike Theresa May, Merkel duket jashtë ndikimit të erës së ndryshimeve gjithpërfshirëse të Europës,  duke injoruar thirrjet në rritje të popullit dhe kontrollin mbi kufijtë kombëtarë.

Ajpo kapet pas projektit të saj për Europën, duke mbrojtur me entuziazëm monedhën e përbashkët, ndërsa ngre parimin e lëvizjes së lirë në Europë, përballë frikës në rritje në shtëpi dhe jashtë saj.

Ajo duket e pavullnetshme të përballojë rrezikun e lartë të terrorit islamik në Europë  dhe të pranojë faktin se politikat e saj të  refugjatëve e kanë shtuar këtë rrezik.

Në mënyrë të pabesueshme, Merkel ka rritur një humanitarizëm naiv liberal përballë sigurisë kombëtare të vendit të saj.

Problemet e thella me të cilat po përballet Merkel janë pjesë të një refuzimi afatgjatë të  forcës së Gjermanisë. Përgjatë dekadave të ardhshme  Gjermania do të përballet me një rënie dramatike të popullatës dhe reduktim të konkurrencës ekonomike,.

Britania e Madhe është në rrugën për të qenë ekonomia më e madhe e Europës në vitin 2030 sipas “Centre for Economic and Business Research” dhe do ta kalojë Gjermaninë,  si vendi më popullor në Europën perëndimore.

Ditët kulmore të Merkelit në dekadën e parë të këtij shekulli do të kujtohen si pika kulmore e Gjermanisë së pas luftës.

Por sfidat me të cilat po përballet Gjermania sot janë më të mëdha se ato të disa viteve më parë. Kancelarja gjermane duhet të veprojë me vendosmëri përballë rrezikut të terrorit në rrijtje  dhe të rifitojë kontrollin e kufijve të vendit të saj. Europa po ndryshon në mënyrë drastike dhe Merkel duhet të përgatitet për t’u përshtatur me të.

Nile Gardiner është drejtor i Qendrës për Liri “ Margaret Thatcher”, në Fondacionin e Trashëgimisë dhe ndihmës i  kryeministrit të fundit Britanik.