Antiterrori shqiptar kalon në gadishmeri të lartë, frikë nga Irani

Pas vrasjes se gjeneralit iranian nga SHBA, në Tiranë policia dhe antiterrori kanë kaluar në gadishmeri të lartë, njofton TCH.

Meqënëse në zonën e Durrësit strehohen mbi 3200 muxhahedinë që janë opozita e pushtetit në Iran, lideri iranian ka kërcënuar Shqipërinë. Por kryeministri Rama reagoi ndaj tij duke thënë se “Shqipëria është vend anëtar i NATO-s dhe se çdo sulm ndaj Shqipërisë mbetet sulm ndaj NATO-s”.

Ndërkohë antiterrori po heton çdo lëvizje apo tentativë për hyrje në territorin e Shqipërisë të elementëve terroristë. Qeveria shqiptare largoi edhe dy diplomatë irinianë, sikurse njoftohet se mund të largojë një tjetër.