Arrestohet me urdhër të SPAK, Ilir Meta. Momenti i arrestimit, tërhiqet zvarrë…

Kryetari i Partisë së Lirisë, Ilir Meta, është arrestuar me urdhër të Prokurorisë së Posaçme. Burime pranë organit të akuzës, Ilir Metës i janë vënë prangat mesditën e kësaj të hëne, datë 21 Tetor.

Ish-presidenti i vendit është akuzuar publikisht dhe ka qenë nën hetim nga SPAK për disa akuza, që lidhen me financime të paligjshme jashtë vendit, dosjen CEZ-DIA dhe të tjera çështje. Madje, Ilir Meta është paraqitur në SPAK  më shumë se dy herë.

Mësohet se kreu i PL është ndaluar nga agjentët e BKH të asistuar nga policia. Raportohet se ai ka qenë në zonën e Casa Italias në periferi të Tiranës. Ai sot kishte lajmëruar një konferencë shtypi në mesditë në orën 13.40.

Ilir Meta ka qenë duke udhëtuar me makinë kur e kanë ndaluar, ndërsa ishte i shoqëruar edhe me disa persona te tjerë. Ai është arrestuar nga forcat e policisë dhe BKH me uniforma civile dhe me maska të cilët e kanë nxjerrë me forcë nga makina duke e tërhequr zvarrë dhe me pas duke i vendosur prangat.

Por mësohet se sot SPAK ka vendosur masë edhe ndaj Monika Kryemadhit me detyrim paraqitje.

Reagon Partia e Lirisë për arrestimin e kreut të saj, Ilir Meta

VOA: Edhe për zonjën Kryemadhi sot SPAK-u vendosi masën detyrim paraqitje

Arrestohet Ilir Meta, Berisha: Persekutimi i Kreut të PL është politik