Basha: Deputetët që votojnë ligjin për teatrin do trajtohen si terroristë

Kryesore E Mërkurë, 8 Shtator 2021 21:38

Kreu i Partisë Demokratike, Lulzim Basha në një konferencë për mediat dhënë sot në mbrëmje i bëri thirrje mazhorancës të heq dorë nga votimi i ligjit të ri për Teatrin Kombëtar. Pas takimit me artistët që kundërshtojnë prishjen e godinës së Teatrit Kombëtar, Lulzim Basha u shpreh se opozita nuk do të pranojë që një ligj korruptiv t’i imponohet gjithë shoqërisë shqiptare duke dëmtuar kulturën e vendit.

Kreu i PD-së paralajmëroi deputetët e mazhorancës për votën që do të hedhin në seancën e nesërme. Ai tha se çdo deputet i PS që do të ngrejë kartonin pro këtij ligji, nga opozita do të trajtohet si një terrorit shtetëror.

“Do t’i them çdo deputeti të Rilindjes se miratimi i një ligji që i hap rrugë shkatërrimit të teatrit është i prapranueshëm për PD. Është akt grusht shteti dhe vendos çdo deputet të Rilindjes në pozita të barabrata me terroristët. Secili prej karton-mbajtës i Rilindjes ka orët e fundit të reflektojë që nëse cdo kush që ngre kartonin për të mirtatuar një ligj antikushtetues do të trajtohet politikishrt nga opozita si terrorist shtetëror”,- deklaroi Lulzim Basha.

Në seancën e së enjtes mazhoranca ka futur në rend dite rivotimin e ligjit që Presidenti Ilir Meta nuk dekretoi duke e cilësuar si antikushtetues. Ligji i risjellë në Kuvend brenda dy ditësh ka edhe disa amendime që lejojnë hapjen e një gare të re për kompaninë që do të kryejë punimet për teatrin e ri. Opozita dhe artistët kundërshtojnë gjithë ligjin, pasi thelbi i tij është prishja e teatrit ekzistues dhe ndërtimi i një teatri të ri.

Deputetët e opozitës e kanë bojkotuar Kuvendin dhe nuk do të jenë nesër në seancë. Ndërkohë që mazhoranca ka marrë urdhër për votimin në bllok të ligjit.

Deklarata e Lulzim Bashës pas takimit me artistët

https://www.facebook.com/lulzimbasha.al/videos/326418081236713/

Deklarata e plotë e kryetarit të PD, Lulzim Basha:

“Sot, kam pritur përfaqësues të nderuar të Aleancës për Teatrin, artistë dhe intelektualë të shquar, njerëz me kontribut të jashtëzakonshëm për dekada me radhë radhë për artin, kulturën, për vetëdijen e shqiptarëve, përfaqësues të elitës së mendjes dhe shpirtit të shqiptarëve, të cilët ndajnë një shqetësim të madh që është edhe shqetësimi i qindra mijëra qytetarëve të Tiranës dhe mbarë Shqipërisë, artdashësve dhe padyshimi shqetësimi i Partisë Demokratike dhe i imi personalisht.

Nesër në Kuvendin e Shqipërisë do të kryhet një akt antikushtetues. Në vend të rrëzimit apo pranimit të dekretetit të Presidentit të Republikës për ligjin korruptiv Rama-Fusha, do të amendohet ky ligj për t’i hapur rrugën një procesi fasadë 30 ditor, në fund të së cilës krimi i organizuar dhe përfaqësuesit e tyre përsëri do të marrin lejen për të gllabëruar pronën publike, për të shkatërruar një perlë të kulturës, historisë, trashëgimisë kulturore dhe memories qytetare dhe kombëtare, siç është rrethi kulturor Skënderbeg, Teatri Kombëtar dhe për të pastruar paratë e krimit dhe të drogës me një përfitim marramendës prej 200 milionë eurosh për Edi Ramën dhe bashkëpunëtorët e tij në këtë krim.

Partia Demokratike ka një qendrim të qartë dhe të pandryshuar. Ligji Rama-Fusha është një ligj antikushtetues. Ai duhet të rrëzohet nesër në parlament.

Do t’i them sot çdo deputeti të rilindjes që do të jetë në atë sallë se votimi i një ligji që do t’i hapë rrugë shkatërrimit të teatrit është i papranueshëm për Partinë Demokratike; është akt grushti shteti dhe vendos çdo deputet të rilindjes në pozita të barabarta me terroristët, terroristët të cilët, në mungesë të Gjykatës Kushtetuese, tjetërsojnë pronën publike, shkatërrojnë memorien historike, gllabërojnë dhe shkatërrojnë vlerat kulturore për të mbushur xhepat e Edi Ramës dhe kriminelëve që bashkëqeverisin vendin me të.

Nesër opozita do të mbajë një qendrim të qartë dhe të prerë, në varësi të ngjarjeve. Sonte secili prej kartonmbajtësve të rilindjes në Kuvendin e Shqipërisë ka orët e fundit të reflektojë që nesër çdokush që ngre kartonin për të kaluar një ligj të tillë antikueshtetues dhe për të shembur në mes të terrorit shtetëror godinën e Teatrit Kombëtar do të trajtohet politikisht nga opozita si terrorist shtetëror”.

SHKARKO APP

iPhone

Android

Më shumë lajme të fundit