Basha dhe Rama zihen dhe shahen në Facebook

Kryeministri Edi Rama dhe kreu i PD-së, Lulzim Basha kanë replikuar ashpër në Facebook për reformën në drejtësi dhe procesin e Vettingut.

Kryeministri Edi Rama, në një deklaratë në rrjetet sociale këtë të shtunë komentoi procesin e vetingut, duke u shprehur se procesi vazhdon dhe se opozita hidhet përpjetë pas çdo goditje. Kreu i qeverisë thotë se pas çdo goditje të Vettingut opozita po hidhet përpjetë.  “Vetingu vijon të godasë me sukses në kokë oktapodin e korrupsionit degjenerues në drejtësi. Po për fatkeqësinë e zgjedhësve të saj që e mbështesin Vetingun, njësoj si gjithë qytetarët e për turpin e saj më të madh, opozita hidhet përpjetë pas çdo goditje”,- thotë Rama.

Kreu i Partisë Demokratike Lulzim Basha i është përgjigjur Kryeministrit Rama në lidhje me deklaratën e tij të fundit për Reformën në Drejtësi. Basha me anë të një postimi në Facebook, shkruan se Rama është koka e oktapodit të Drejtësisë.

Postimi i kreut të PD, Lulzim Basha:

“Edi Rama është Koka e Oktapodit të Drejtësisë që mbron dhe nuk ndëshkon politikanët e korruptuar e të lidhur me krimin. Për të mbrojtur Tahirin, Xhafën, Roshin, Frrokun, Dakon, Sejdinin, Ahmetajn dhe Gjiknurin me shokë, Edi Rama kapi Prokurorin e Përgjithshëm dhe zhduku Gjykatën Kushtetuese dhe Gjykatën e Lartë.

Tani Edi Rama po mbron nga vetingu gjyqtarët e korruptuar si Toska, Dvorani dhe Faqolli, si shpërblim për dosjet që mbyllën dhe si kapar për dosjet që duhen mbyllur.