Berisha denoncon: Ambasadorja e BE, Vlahutin, i ka kërkuar Llallës arrestimin tim

Ish-Kryeministri Sali Berisha ka bërë sot një akuzë të rëndë për diplomaten e Bashkimit Europian në Tiranë znj. Romana Vllahutin.  Në një intervistë për televizionin ABC News, Berisha deklaroi se ambasadorja i ka kërkuar ish-kryeprokurorit Adriatik Lalla arrestimin e tij.

Deklarata e Berishës u bë pasi komentoi letrën e ish-Kryeprokurorit Adriatik Llalla drejtuar Kongresit amerikan. “Në takimet mes dy personave kur s’ka dëshmitarë të tjerë është e vështirë të vërtetosh se kush ka të drejtë. Kam një rast analog, kur Romana Vlahutin kishte shkuar në zyrën e z. Llalla dhe i ka kërkuar arrestimin tim. Z. Llalla ia tha këtë Presidentit Bujar Nishani, megjithëse mua m’a kishin thënë ambasadorë të rëndësishëm. Unë këtë e besoj 100 %, sepse kjo zonjë u thotë para disa muajsh ambasadorëve mos hajdeni me telefona në zyrën time, pasi katër kate më poshtë ka zyrën Sali Berisha dhe na përgjon. Pra, ajo ose ka një berisho fobi nja 10 herë më të madhe se Edi Rama ose është e sëmurë, ose bën një provokacion kaq banal sa i ka bërë edhe për të qeshur”,- tha ish-kryeministri Sali Berisha.

Ai i është rikthyer edhe një herë çështjes për blerjen e rezidencës së BE në Tiranë. “Ndërsa në rastin e Ambasadorit Lu nuk mund ta them këtë gjë.  Kam kërkuar që të bëhet transparenca e 4700 metra katror vilë në Mullet për Ambasadoren Vlahutin dhe kam besim që zonja do të hetohet dhe vendet anëtare kanë të gjitha mekanizmat për t’a bërë këtë”,- tha Berisha.

https://www.facebook.com/SaliBerisha/videos/988780791282828/