Dalin pamjet nga brenda qelive. Burgjet mbushur me të rinj pa maskë (VIDEO)

Pamjet më poshtë janë realizuar në komisariatet e Tiranës ku këto ditë janë ndaluar me qindra të rinj gjatë protestave.

Siç shikohet edhe nga pamjet e publikuara nga ish-kryeministri, Sali Berisha, qelitë janë kthyer në vatra pandemie, ku vetëm në njërën qeli janë 15 të ndaluar, të gjitha pa maska.

“Edvin Kristaq Xhelati po përdor si armë kundër kryengritësve të rinj guximtarë përveç gazit helmues, shkopinjve, topave me ujë edhe bombën biologjike covid19 duke futur në qelitë e tij të krimit 15-50 kryengritës guximtar që si kundërshtar politik kërkon ti infektojë me covid19. Krim i shëmtuar!”,- shkruan Berisha në reagimin e tij.