Damian Gjiknuri, numri dy në PS: Votimi u mbyll mirë dhe korrekt, tani fillon numërimi i çdo vote

Damian Gjiknuri, sekretar i përgjithshëm i PS, foli pas orës 19.00, direkt nga selia e PS. Ai tha se procesi i votimit ka shkuar mirë dhe falenderoi votuesit dhe komisionerët.

Me pas Gjiknuri tha se tani fillon procesi i numërimit dhe duhet të jenë korrekt me ligjin.

I pyetur nga gazetarët Damian Gjiknuri në lidhje me mungesën e komisionerëve nga ana e PD-së të Lulzim Bashës, në disa qendra votimi, tha se kjo nuk e ka prishur procesin pasi kishte komisionerë të tjerë. Ndaj, shtoi Gjiknuri, ka nevojë që në Kodin e ri Zgjedhor duhet të mos kemi komisionerë politikë, por jashtë politikës.

Ndërsa në lidhje me problemet dhe sherret brenda opozitës, Gjiknuri theksoi se kjo situatë në PD është bërë tragji-komike.

Në fund ai shtoi se PS duhet të ketë marrë rezultatin e pritshëm të fitores, por kryesorja tha ai ka se procesi shkoi shumë mirë e le të fitojë më i miri.