DASH deklaratë. PD thotë na jep të drejtë, Rama shkruan se kritikon opozitën

Deklarata e DASH ka sjellë reagime të cilat përkthehen sipas interesit të sejcilës palë politike. Nëpërmjet një statusi në Facebook, Edi Rama ka reaguar në lidhje me deklaratën që ka bërë Thomas A. Shannon, Nënsekretar për Çështjet Politike gjatë takimit me ministrin e Jashtëm, Ditmir Bushati ku theksi ishte pikërisht te pjesëmarrja e të gjitha partive politike në zgjedhje.

Një tjetër shuplake nga ndërkombëtarët kjo thirrje për opozitën, e cila sot bën 63 ditë në protestë dhe bojkot parlamentar. Në listën e tij, këtë ‘gënjeshtër’ të Bashës Rama e ka listuar të 22-tën, për të cilën ndryshe thotë Basha dhe ndryshe e lexojnë ndërkombëtarët situatën politike në vend.

“Departamenti i Shtetit kërkon reformën në drejtësi dhe pjesëmarrjen e të gjitha partive në zgjedhjet parlamentare të 18 qershorit. Ja edhe njoftimi i plotë, publikuar në faqen zyrtare të DASH:

“Ambasadori Thomas A. Shannon, Nënsekretar për Çështjet Politike, u takua sot me Ministrin e Jashtëm shqiptar Ditmir Bushati për të adresuar interesat e përbashkëta në marrëdhëniet tona bilaterale dhe rajonin. Nënsekretari rikonfirmoi partneritetin e ngushtë midis Shteteve të Bashkuara dhe Shqipërisë, mbështetjen tonë të fortë për përpjekjet e Shqipërisë për reformën në drejtësi dhe angazhimin tonë të përbashkët ndaj vlerave demokratike, sundimit të ligjit dhe respektimit të të drejtave të njeriut. Ambasadori Shannon theksoi gjithashtu rëndësinë që të gjitha partitë politike në Shqipëri të marrin pjesë në zgjedhjet e ardhshme parlamentare.””, shkruan Rama.

Ndërkohë opozita sqaron se ajo i kërkon Ramës se nuk mund të ketë zgjedhje pa opozitën. Sejcila palë e intërpreton sipas këndvështrimit të saj.

Ndërkohë opozita jep njoftimin e DAP:

Njoftimi i Departamentit Amerikan të Shtetit:

Nënsekretari për çështjet politike, Thomas Shannon, u takua me ministrin e Jashtëm shqiptar Ditmir Bushati për të adresuar interesat e përbashkëta për marrëdhëniet bilaterale dhe rajonin. Nënsekretari riafirmoi partneritetin e ngushtë midis SHBA dhe Shqipërisë, mbështetjen tonë të fortë për reformën në gjyqësor dhe angazhimin tonë të përbashkët ndaj vlerave demokratike, sundimit të ligjit dhe respektimit të të drejtave të njeriut. Ambasadori Shannon theksoi gjithashtu rëndësinë e të gjithë partive politike në Shqipëri që të marrin pjesë në zgjedhjet e ardhshme parlamentare.

Pas kësaj lind pyetja: Kush ka të drejtë, Edi Rama apo Opozita?!