Informacione të besuara tregojnë se po hetohet me kujdes se si në disa gjykata dhe prokurori të vendit shortet e hedhura për dosjet janë të manipuluara. Burime të rezervuara thanë se SPAK ka indicio se disa drejtues prokurorish dhe gjykatash, duke patur punonjësit e IT dhe programimit, njerëz të besuar, i manipulojnë shortet duke ia kaluar çështje të caktuara, kur kanë interes dhe ndërhyrje, pikërisht miqve të tyre prokurorë apo gjyqtarë.
Në pamje të pamje duket se shortet janë korrekt, por iks prokurori i bie çështja “rastësisht” e miqve apo lidhjeve te një drejtuesi prokurorie, e ku prokurori dhe drejtuesi i prokurorisë janë shumë miq. Po kështu dyshimet janë edhe në disa drejtues gjykatash. Në gjykatën Aplit të Juridiksionit të Përgjithshëm në Tiranë hetimet kanë kapur një rast ku sa herë hidhet shorti në këtë gjykatë, edhe kur vijnë gjyqtarë të rinjë, një dosje me toka buzë detit, përherë i bie një gjyqtare! Po kështu në një prokurori në Jug të vendit, një prokurori i bien në çdo rast dosjet e një biznesmeni.
Por ka shembuj të tjerë, ku investigimi i një media tradicionale po vazhdon prej 3 muajsh, duke mbledhur fakte.
Kjo e shkatërron sistemin e drejtësisë së re, pasi dosjet që janë për miq apo që kanë para, u jepen atyre prokurorëve apo gjyqtarëve që kanë garanci nga drejtuesi. Ndaj SPAK po heton informacione të tilla që bien erë korrupsioni në drejtësi.