Edhe në Gjermani protesta: “Të ikë Kancelari”! Por ai nuk pranon të japë dorëheqjen

Në qendër të Berlinit pranë Portës së Brandenburgut u zhvillua  të hënën (08.06) në darkë një demonstratë, e cila shkaktoi pengesa në qarkullimin rrugor. Gjatë demonstratës një nga rrugët kryesore u mbyll plotësisht për trafikun në segmentin. Demonstrata pati edhe në disa zona të tjera të Berlinit.

Sipas policisë rreth 4.000 persona u mblodhën për të protestuar kundër qeverisë gjermane dhe politikës së saj të migracionit. Organizatorët thanë se kishhte pasur rreth 5.000 pjesëmarrës. Fillimisht ata kishin regjistruar një numër dy herë më të madh pjesëmarrësish.

Qendra e Berlinit pranë Portës së Brandenburgut demonstrues me flamuj gjermanë Qendra e Berlinit pranë Portës së Brandenburgut demonstrues me flamuj gjermanë

Në kuadër të protestës u zhvillua një marshim dhe një autokolonë proteste nëpër lagjen qeveritare. Rreth 700 policë shoqëruan demonstratën pranë Portës së Brandenburgut dhe demonstratatë tjera e zhviilluara gjatë gjithë ditës në kryeqytet.

Demonstruesit kërkuan “dorëheqjen e menjëhershme të qeverisë aktuale gjermane”. Përveç kësaj protestuesit, shumë prej të cilëve mbanin flamuj gjermanë, kërkuan vendosjen e demokracisë së drejtpërdrejtë, ndalimin e politikës së migracionit, heqjen e taksës për transmetuesit publikë (ARD dhe ZDF) si dhe “vendosjen e një përgjegjësie të rreptë ligjore për politikanët”./DW/