Nga Erion Braçe-
KENI DËGJUAR PËR VRASJET ME POROSI?
KJO QË DO T’JU TREGOJ ËSHTË NJË VRASJE ME POROSI, NË POLITIKË, AFËRMENDSH!
Funksionon prej vitesh, veçanërisht ndaj atij, atyre që kanë mendimin e tyre.
Është e njëjta teknologji si ajo e VEZËS, asaj me të cilën qëllohen deputetë pa asnjë shkak, pa asnjë arsye, pa i njohur e pa ua ditur emrin fare.
Është e njëjta linjë me të dhe synon LINÇIMIN, POSHTËRIMIN!
Dje, para se të flisja, ishte në fillim të mbledhjes, krejtësisht në mirëbesim të kryetarit të partisë që kërkoi aty të flitej hapur, iu luta pjesëmarrësve në mbledhje, kishte më shumë se deputetë aty, të mos nxirrnin “jashtë shtëpie” fjalët e mia. U thashë që, nëse gjykoj të them diçka publikisht, e bëj vetë; s’ka nevojë ta bëjë kush për mua!
Dhe e zbatuan. Nuk kanë nxjerrë në publik asnjë fjalë timen, por kanë nxjerrë gjithçka tjetër, duke shtuar e transformuar!
Tani, meqë dje u mor një angazhim për ta bërë shembull atë që nxjerr jashtë shtëpie fjalët, mezi pres të shoh shembullin. Në mungesë të tij, do të më duhet të mendoj diçka tjetër që ka kohë që ma thonë.
Ndërkohë, MUA NUK MË KA NXJERRË KUSH NGA MBLEDHJA. NUK KA SESI. NUK KA NDODHUR. JAM NË KËTË SHTËPI PARA ÇDOKUJT ATY.
UNË JAM ULUR DJE KUR NUK KAM PASUR MË Ç’TË THOJA!
Në këtë mbledhje dhe në tjetrën para saj, shumë më gjatë, edhe ajo u banalizua me porosi, kam thënë atë që dëgjoj dhe mendoj, asgjë më pak dhe asgjë më shumë sesa thonë SOCIALISTËT dhe më gjerë, çdo ditë në këtë vit që unë kam në TIRANË. Ndaj unë rri në rrugë, për të dëgjuar secilin, këdo.
UNË KAM IKUR NGA MBLEDHJA VETË, KUR NUK KISHA MË Ç’TË DËGJOJA!
Kjo është e vërteta dhe, meqë ka ca kohë që mbledhjet regjistrohen të gjitha, mund edhe t’jua dokumentojnë!