Urimi shqiptar: “Faleminderit që të kemi, Rita Ora!”
Kryeministri i Kosovës, Ramush Haradinaj është takuar në Londër me këngëtaren me famë botërore Rita Ora, ku është shprehur se ajo ka bërë më shumë nga të gjithë të tjerët për origjinën e saj, Kosovën.
“Faleminderit që të kemi”, shkruan në një postim në “Facebook”, të cilit i ka bashkëngjitur edhe një foto të tijën me Ritën.
“Përmbyllje e mirë e një dite pune konstruktive në Londër. Takim miqësor me kosovaren më të famshme, Rita Ora, që ngjyrave të flamurit tonë i ka dhënë shkëlqimin më të mirë. Rita përmes muzikës ka bërë më shumë se gjithë ne, e ka ndërkombëtarizuar Kosovën. Ambasadores së nderit, të shpallur sot e tri vite më parë, i dhurova Hyjneshën në Fron të gravuar në filigran për ta nderuar dhe për t’i përçuar mesazhin e gjithë shqiptarëve: Faleleminderit që të kemi. Faleminderit që, përkundër që preke majat e suksesit në botë, nuk i harrove rrënjët tua! Our golden Rita Ora. Thank You!”, shkruan nw “Facebook” Haradinaj.
Rita Ora është shqiptare e madhe dhe një ambasadore e kulturës shqiptare kudo në botë. Emri i saj bën punë me shumë se dhjetra ambasadorë nëpër kontinente.
