Fatos Lubonja nga Astiri: Kjo është protesta e të gjithëve, bashkohuni!

Protestës së përditshme të banorëve të “Astir” sot u janë bashkuar dhe përfaqësues të shoqërisë civile. Publicisti Fatos Lubonja ka marrë pjesë në tubimin e banorëve që kërkojnë dëmshpërblime për pronat që u shemben nga projekti i Unazës së Re.

Lubonja deklaroi se protestat e qytetarëve që kërkojnë dëmshpërblim për një pronë që po u merret nga shteti nuk është një problem që u përket vetëm disa banorëve që preken të zona e “Astir”.

Ai tha se ajo që po ndodh këto ditë me projektin korruptiv të Unazës së Re është diçka shumë më e madhe që kërkon një reagim të gjithë qytetarëve. Ndaj Lubonja u bëri apel qytetarëve të Tiranë, por edhe të tjerëve në Shqipëri që të protestojnë kundër grabitjes së pronave dhe korrupsionit qeveritar.

“Protesta nuk është çështje vetëm e Astir-it, por e të gjithë shqiptarëve. Këtu duhet të jemi të gjithë për këtë. Unë kam ardhur si qytetar dhe u bëj thirrje të gjithë qytetarëve në Tiranë e kudo në Shqipëri, se kjo është një çështje e rëndësishme. Kurajoja e protestuesve është nxitje për rezistencë edhe nga e keqja që e ka kapur vendin”,- deklaroi Fatos Lubonja në protestën e “Astir”.

Publicisti i njohur, në shenjë mbështetje për banorët veshi gjatë protestës jelekët portokalli, të cilët simbolizojnë qytetarët që kërkojnë dhënien e dëmshpërblimit të plotë për pronat e tyre nga qeveria.

Ndërkohë sot kanë nisur dhe protestat në zonën e Shkozës në Tiranë, ku banorët kanë të njëjtin shqetësim si ata të “Astir”. Në protestën e Shkozës deputetët e PD deklaruan se qytetarët duhet të detyrojnë qeverinë që të tërhiqet duke zhvilluar protesta masive para Kryeministrisë.

https://www.facebook.com/partiademokratike/videos/372262663346770/

Lexoni edhe..

• Aldo Bumçi, protestuesve: Rrethoni Kryeministrinë! Nuk ka rrugë tjetër
• ”Unaza e Re”, protesta në ditën e 31-të, bllokohet rruga
• Banorët e Shkozës paralajmërojnë qeverinë: Po na erdhët si sot, me ne keni luftë!
• “Unaza”/ Shembja në Laprakë, Balliu: Policia e pabesë! Ky është Edi Rama!
• Nis shembja e shtëpive për Unazën e Re. Përplasje mes policisë dhe banorëve
• Reagon Veliaj: Rasti i Laprakës, shembull tipik i rrumpallës së fahrinjve