Forma e re e protestës/Qytetari i dërgon Ramës plehrat në Kryeministri

Ligji i importimit të  mbetjeve tashmë i miratuar në Parlament, por vazhdon të ketë debat. Shoqëria civile ka paralajmëruar protestë masive ditën e shtunë. Ndërkohë që në kazanët e plehrave vazhdojnë ende të shkruhen emrat e deputetëve që votuan dhe përkrahën miratimin e ligjit të shumëdebatuar. Krahas këtyre reagimeve dhe qëndrimeve të ashpra të qytetarëve dhe figurave publike në rrjetet sociale nuk mungojnë dhe format e tjera të protestës.

Një qytetar, i ka lënë në anë të godinës së Kryeministrisë, shefit të qeverisë Edi Rama dy qese me plehra me një mbishkrim.

Ja çfarë shkruan ai për “Nisma Thurje” në Facebook:  “Meqë Kryeministri ynë do plehra unë i mblodha të mijat sot dhe ja çova te zyra. Dhashë kontributin si qytetar i rregullt i vendit. I ftoj të gjithë ta bëjnë. Le ti çojmë plehrat nëpër institucione meqë u duhen. Nëse ai do plehra të cilat i kemi me shumicë, përse mos ta ndihmojmë? Agroni”.