Fuga: Mësuesë! Mos pranoni dhurata, byzylykë, sutiena, vathë, mbathje, …por vetëm lule

Nga Artan Fuga.

7 marsi, dita e mësuesve të përkushtuar, jo ditë takse ndaj nxënësve dhe familjeve të tyre

Sot është 7 marsi.

E kam merak ta përsëris çdo vit.

Të gjithë ato mësuese apo mësues që pranojnë nga nxënësit me shumë se një duartrokitje, një tufe lule, një kartolinë, hajde një libër, a një punëdore të vogël bërë në shtëpi, pra simbole të kësaj natyre, por pranojnë edhe sutiena, mbathje, byzylyqe, zarfe me lekë, deodorante, servise pjatash, vathë, orë, kepucë, kompjutera, telefona celularë, etj, bëjnë korrupsion, abuzojnë me detyren, plaçkisin familjet, krijojnë pabarazi mes nxënësve, dhe veç kësaj tregohen hajdutë, të poshtër dhe bëjnë maskarallik.

Ndërkohë prej dy shekujsh ministria e përndershme e arsimit fle dhe mbyll sytë ndaj kësaj dukurie të turpshme vjedhjeje dhe rrjepjeje të nxënësve dhe të familjeve të tyre.