Fundjava/Petullat e bujtinës së Fratit për Edi Ramën në Malësinë e Madhe

Zona e Kelmendit është një zonë turistike e nivelit të lartë. Kryeministri Rama ka shkuar në veri të Shqipërisë për të pushuar këtë fundjavë vjeshte. Pas fillimit të punimeve të rrugës në qeverinë Berisha, tashmë qeveria Rama ka bërë investime të shkëlqyera për ta kthyer këtë zonë në vend turistik të klasit të parë në infrastrukturë.

Me një deputet vizionar dhe kurajoz si Paulin Stërkaj dhe një kryetar bashkie punëtor si Tonin Marinaj, Malësia e Madhe nga një zonë e varfër dhe pa rrugë po kthehet në pikë turistike VIP.

Në faqen e tij në Facebook ai ka postuar dy foto nga bujtina e Fratit, ku ka konsumuar edhe mëngjes, ndërsa vlerëson Shqipërinë me pesë yje.

“Udhëtimi nëpër rrugën e Malësisë së Madhe, me një ndalesë në Tamarë, një mbrëmje në Vermosh dhe një mengjez në Bujtinën e Fratit, është një eksperiencë unikale për bukurinë fizike dhe shpirtërore të Shqipërisë”,shkruan kryeministri.